CYREN á Íslandi

CYREN Iceland hf.

Sími: 540-7400
Fax: 540-7401
Söludeild: f-prot@CYREN.com
Þjónustuver: f-prot.thjonusta@CYREN.com
Heimilisfang:
Þverholti 18
105 Reykjavík

** ATH ** Símaþjónusta söludeildar fer nú í gegnum skrifstofu okkar í Þýskalandi og símtöl gætu því farið fram á ensku

Kennitala: 470912-0730
VSK númer: 111869

Við höfum alltaf áhuga á að heyra frá hæfileikaríku fólki sem langar að starfa í krefjandi og skemmtilegu umhverfi. Smelltu hér ef þú hefur áhuga á að starfa hjá CYREN Iceland hf.

 

ENDURSÖLUAÐILAR

CYREN Iceland hf.  er með endursöluaðila fyrir Lykla-Pétur um allt land. Smelltu hér ef þú hefur áhuga á að sækja um að gerast endursöluaðili.

Listi yfir endursöluaðila

 

SAGA CYREN ICELAND – ÁÐUR FRIÐRIK SKÚLASON EHF.

CYREN Iceland hf. varð til á haustmánuðum 2012 þegar Commtouch í Bandaríkjunum keypti vírusvarnarhluta Friðriks Skúlasonar ehf. Í ársbyrjun 2014 tók nýtt, sameinað fyrirtæki upp nafnið CYREN. CYREN er leiðandi fyrirtæki á heimsvísu í þróun hugbúnaðar fyrir tölvuöryggi.

Friðrik Skúlason ehf. var stofnað árið 1993 og starfaði á sviði hugbúnaðar og rannsókna. CYREN á Íslandi byggir því á traustum grunni og eftir meira en 20 ára veru á vírusvarnarmarkaðnum búa starfsmenn fyrirtækisins yfir víðtækri reynsla og þekkingu. Markmið Friðriks Skúlasonar hefur frá upphafi verið að bjóða upp á framúrskarandi vírusvörn og skapa meira öryggi fyrir tölvutækar upplýsingar en ör þróun upplýsingatækninnar hefur aukið verðmæti slíkra upplýsinga stórlega. Til að tryggja öryggi þarf einfalt, skilvirkt og umfram allt áreiðanlegt vírusvarnarforrit. Friðrik Skúlason ehf. var með fyrstu fyrirtækjum á landinu sem hófu sölu á vöru sinni og þjónustu í gegnum netið með hjálp tölvupósts.  Með markaðssetningu á netinu komst Lykla-Pétur til metorða bæði á Íslandi og alþjóðamarkaði.

 

FRIÐRIK SKÚLASON – FRUMKVÖÐULL

Friðrik Skúlason er mikill frumkvöðull í tölvugeiranum og hönnuðurinn á bakvið vírusvörnina Lykla-Pétur. Auk vírusvarnarinnar hefur hann einnig staðið að útgáfu ættfræðiforritsins Espólíns og ritvilluvarnarinnar Púka (ásamt Steinþóri Bjarnasyni). Púki hefur gagnast mörgum notendum við yfirferð íslensks máls og er enn jafn vinsæll og áður.

Fyrsta útgáfa  Lykla-Péturs kom út árið 1989 og byggði í fyrstu á fremur einföldum leiðum til að þekkja óæskileg forrit, svokallaðri strengjaleit. Á þeim tíma bjó forritið yfir skrá með öllum þekktum vírusum og gat leitað uppi óværurnar út frá þeirri skrá. Með örri þróun vírusa og annarrar óværu hefur vírusvarnartæknin þurft að bregðast hratt við. Lykla-Pétur var ein fyrsta vírusvörnin í heiminum sem nýtti svokallaða reglusafnaleit eða gervigreind til að finna óæskileg forrit. Reglusafnaleit er hugvit Friðriks og ein áhrifaríkasta vörnin gegn áður óþekktum óværum sem geta sýkt tölvur.

Friðrik Skúlason er tölvunarfræðingur frá Háskóla Íslands og hefur hlotið margvísleg verðlaun fyrir störf sín. Hann er nú yfirmaður vírusvarnarmála hjá CYREN og starfar enn við hönnun og þróun Lykla-Péturs.

Upplýsingatækniverðlaun

Friðrik Skúlason hlaut Upplýsingatækniverðlaun Skýrslutæknifélags Íslands árið 2010 fyrir framúrskarandi framlag til upplýsingatækni á Íslandi.

Tölvufræðingur 20. aldarinnar

Skýrslutæknifélag Íslands útnefndi Friðrik Skúlason sem tölvufræðing 20. aldarinnar vegna mikilvægs framlags hans til tölvu- og upplýsingatækni á Íslandi.

Íslensku tölvuverðlaunin

Í febrúar 1999 var Friðrik Skúlason heiðraður sem tölvumaður ársins. Að verðlaununum stóðu Rafiðnaðarsamband Íslands, Landsamband íslenskra rafverktaka, Íslenska álfélagið, Tölvuheimar, Rafiðnaðarskólinn og Viðskipta- og tölvuskólinn.

 

 


© 2014 CYREN; · Sækja Netaðstoð · Þjónusta: f-prot.thjonusta@CYREN.com · Söludeild: f-prot@CYREN.com · Sími 540 7400