Friðrik Skúlason ehf. hefur sent vörur sem innihalda F-PROT vírusleitartæknina í samanburðarrannsóknir Virus Bulletin frá árinu 1999.

Þessa tiltekna óværa er eins konar fjárkúgunartól sem tekur skjöl notenda í gíslingu og dulkóðar þau. Dulkóðunarlykilinn á síðan að vera hægt að nálgast, en aðeins gegn gjaldi. Óværan er þekkt undir nafninu Trojan:W32/Ransomcrypt. Smitið lýsir sér þannig að Trójuhestur kemst inn á tölvuna og dulkóðar öll skjöl (Word, Excel, pdf), ljósmyndir og slíkt. EnCiPhErEd endingu er bætt við öll skjölin og notandi getur ekki opnað þau. Skilaboð koma upp á skjáinn og notandi er beðinn um að slá inn lykilorð. Lykilorðið er hægt að fá gegn 50 € gjaldi. Ef notandi reynir sjálfur að setja inn lykilorð hefur hann fimm tilraunir til að setja inn lykilorðið. Eftir það læsast skrárnar og eru tapaðar.Við vitum ekki til þess að tilvik þessarar óværu hafi komið upp á Íslandi. Uppfærsla að vírusgagnaskrá Lykla-Péturs hefur þegar verið send út, sem ver notendur Lykla-Péturs gegn þessari óværu.

Við ítrekum að notendur ættu aldrei að smella á grunsamlega hlekki og ekki inna af hendi greiðslur ef minnsti grunur er á að um blekkingu eða vírussmit er að ræða. Ef notandi hefur t.d. ekki óskað eftir þjónustu eða vöru og hún birtist óvænt sem sprettigluggi á skjá notenda, þá gæti verið að um tilraun til ráns sé að ræða. Góð vírusvörn er lykilatriði til að verjast slíkum ógnum. Einnig, og það verður ekki sagt nógu oft, er hreint og beint nauðsynlegt að eiga alltaf afrit af öllum sínum gögnum svo þau tapist ekki ef tölva hrynur, smitast af óværu eða er stolið. Allir tölvueigendur ættu að gæta þess að afrit af fjölskylduljósmyndum, verðmætri vinnu eða tímafrekum skólaverkefnum sé geymd á öruggum stað.

Ef þú hefur frekari spurningar eða telur þig hafa smitast af þessari óværu, skaltu ekki hika við að hafa samband við okkur.
s.540-7400 / Facebook: Friðrik Skúlason ehf.
sala@frisk.is / thjonusta@frisk.is

Frekari upplýsingar um VB100 gæðastimpilinn er að finna á vefsíðu Virus Bulletin.

Lykla-Pétur fyrir Windows (F-PROT Antivirus) er íslenskur hugbúnaður sem byggir á margra ára rannsóknar- og þróunarvinnu helstu veiruvarnasérfræðinga heims.

Frekari upplýsingar um Lykla-Pétur og Friðrik Skúlason ehf. er að finna á vörusíðu Lykla-Péturs og á vefsíðu Friðriks Skúlasonar ehf..

Einnig er hægt að hafa samband við söludeild Friðriks Skúlasonar á sala@frisk.is eða með því að hringja í 540-7400.

Frekari upplýsingar:

Um Friðrik Skúlason ehf.:
Friðrik Skúlason ehf. (FRISK Software) er alþjóðlegt öryggis- og þekkingarfyrirtæki sem sérhæfir sig á sviði veiruvarna. Fyrirtækið er í dag eitt af fremstu veiruvarnarfyrirtækjum heims.

Um Lykla-Pétur (F-PROT Antivirus):
Um árabil hefur ein öflugasta veiruvörnin í heiminum verið þróuð og framleidd á Íslandi. Samhentur hópur nokkurra helstu veirusérfræðinga heims vinnur stanslaust að því að þróa veiruvörn sem er mjög öflug en leggur samt mun minna álag á tölvur en mörg af helstu veiruvarnarforritunum á markaðnum í dag.

Þetta hlutfall virðist nærri lagi að okkar mati, en þó er nærri ómögulegt að reikna út slíkt hlutfall á fullnægjandi hátt. Hlutfallið gæti þess vegna verið mun hærra. Sýkt tölva getur valdið eigandanum miklum vanda, gert tölvuna óstarfhæfa, stolið verðmætum og dreift óværum á aðra notendur. Mikilvægi þess að vera með góðar varnir er því ótvírætt.

Sýktu tölvurnar í þessari tilteknu rannsókn voru hluti af svo kölluðu botneti eða þrælaneti og nýttar til að dreifa ruslpósti, Trójuhestum og gera tölvuárásir. Oft er notandinn algjörlega grunlaus um að tölvan hans sé nýtt í þessum tilgangi. En þó getur komið fyrir að notandi verði var við óeðlilega mikla netumferð í tölvunni og jafnvel hækkaðan símreikning.

Mörg netþjónustufyrirtæki loka fyrir viðskiptavini vegna gruns um að tölvan þeirra sé hluti af slíku botneti. Þeir sem reka botnetin hafa þó séð við þessu og eru með mjög víðfeðmt net tölva þar sem hver og ein sendir einungis nokkra tölvupósta frá sér á dag. Slíkt vekur alla jafn ekki eftirtekt og því tekst botmeistaranum að nota tölvuna til sinna annarlegu gjörða.

Netþjónustufyrirtæki eru hins vegar langt frá því að vera eini hlekkurinn í því að draga úr mikilli umferð ruslpósts og ólöglegri notkun slíkra botneta. Fyrir hinn venjulega notanda er afar mikilvægt að hafa góða vírusvörn og virkan eldvegg til að draga úr líkum á slíku smiti.

Við mælum að sjálfsögðu með vírusvörninni okkar Lykla-Pétri, en hægt er að setja upp reynsluútgáfu hans á heimasíðu okkar: http://www.frisk.is/lyklapetur/

Á heimasíðu okkar má einnig finna nánari leiðbeiningar um tölvuöryggi.