Í nýlegum fréttum var sagt frá rannsókn sem sýndi fram á að 10% tölva á Íslandi væru smitaðar af óværum og á valdi tölvuþrjóta. Niðurstaðan er fengin úr skýrslu OECD sem birt var í maí 2010. Rannsóknin var m.a. gerð til þess að sjá frá hvaða löndum tölvuárásir væru gerðar og í gegnum hvaða netþjónustufyrirtæki.

Þetta hlutfall virðist nærri lagi að okkar mati, en þó er nærri ómögulegt að reikna út slíkt hlutfall á fullnægjandi hátt. Hlutfallið gæti þess vegna verið mun hærra. Sýkt tölva getur valdið eigandanum miklum vanda, gert tölvuna óstarfhæfa, stolið verðmætum og dreift óværum á aðra notendur. Mikilvægi þess að vera með góðar varnir er því ótvírætt.

Sýktu tölvurnar í þessari tilteknu rannsókn voru hluti af svo kölluðu botneti eða þrælaneti og nýttar til að dreifa ruslpósti, Trójuhestum og gera tölvuárásir. Oft er notandinn algjörlega grunlaus um að tölvan hans sé nýtt í þessum tilgangi. En þó getur komið fyrir að notandi verði var við óeðlilega mikla netumferð í tölvunni og jafnvel hækkaðan símreikning.

Mörg netþjónustufyrirtæki loka fyrir viðskiptavini vegna gruns um að tölvan þeirra sé hluti af slíku botneti. Þeir sem reka botnetin hafa þó séð við þessu og eru með mjög víðfeðmt net tölva þar sem hver og ein sendir einungis nokkra tölvupósta frá sér á dag. Slíkt vekur alla jafn ekki eftirtekt og því tekst botmeistaranum að nota tölvuna til sinna annarlegu gjörða.

Netþjónustufyrirtæki eru hins vegar langt frá því að vera eini hlekkurinn í því að draga úr mikilli umferð ruslpósts og ólöglegri notkun slíkra botneta. Fyrir hinn venjulega notanda er afar mikilvægt að hafa góða vírusvörn og virkan eldvegg til að draga úr líkum á slíku smiti.

Við mælum að sjálfsögðu með vírusvörninni okkar Lykla-Pétri, en hægt er að setja upp reynsluútgáfu hans á heimasíðu okkar: http://www.frisk.is/lyklapetur/

Á heimasíðu okkar má einnig finna nánari leiðbeiningar um tölvuöryggi.

Útgáfa 6.0.9.6 af Lykla-Pétri (F-PROT Antivirus) fyrir Windows hefur verið gefin út, bæði í heimilis- og fyrirtækjaútgáfu.

Margverðlaunaða vírusvarnarvélin okkar hefur verið uppfærð og ýmsir hnökrar lagfærðir sem ættu að gera notendur Lykla-Péturs enn öruggari.

Lykla-Pétur mun uppfærast sjálfkrafa.

Frekari upplýsingar um hina nýju kynslóð veiruvarnarforrits Friðriks Skúlasonar ehf., útgáfu 6 af F-PROT Antivirus fyrir Windows, er að finna á vefsíðu F-PROT Antivirus fyrir Windows.

Um Friðrik Skúlason ehf.:
Friðrik Skúlason ehf. (FRISK Software) er alþjóðlegt öryggis- og þekkingarfyrirtæki sem sérhæfir sig á sviði veiruvarna. Fyrirtækið er í dag eitt af fremstu veiruvarnarfyrirtækjum heims.

Um Lykla-Pétur (F-PROT Antivirus):
Um árabil hefur ein öflugasta veiruvörnin í heiminum verið þróuð og framleidd á Íslandi. Samhentur hópur nokkurra helstu veirusérfræðinga heims vinnur stanslaust að því að þróa veiruvörn sem er mjög öflug en leggur samt mun minna álag á tölvur en mörg af helstu veiruvarnarforritunum á markaðnum í dag.

Þessi veiruvörn er þekkt á Íslandi sem „Lykla-Pétur“ en heitir F-PROT Antivirus erlendis.

Í nýjasta tímariti Virus Bulletin þá fékk Lykla-Pétur VB100 gæðastimpilinn. Þessi viðurkenning staðfestir enn og aftur þá sérhæfðu vitneskju sem Friðrik Skúlason ehf. hefur hvað varðar vírusvarnir og tölvuöryggi. Vírusvarnatækni Friðriks Skúlasonar ehf. hefur margoft í sögu fyrirtækisins hlotið þennan eftirsótta gæðastimpil.

Virus Bulletin er óháður aðili sem prufukeyrir reglulega allar helstu vírusvarnir sem í boði eru.

Frekari upplýsingar um VB100 gæðastimpilinn er að finna á vefsíðu Virus Bulletin.