Reykjavík, 26. september 2003
Ný útgáfa af Lykla-Pétri fyrir Linux hefur verið gefin út
Útgáfa 4.3.0 af Lykla-Pétri fyrir Linux hefur verið gefin út. Með þessari nýju og endurbættu útgáfu er notendum veitt enn meira öryggi í tölvupóstsamskiptum. Útgáfa 4.3.0 af Lykla-Pétri fyrir Linux inniheldur viðbót (e. plugins) fyrir skilvirkari skimun tölvupósts í Sendmail, Postfix og Qmail póstforritunum. Einnig hafa ýmsar breytingar verið gerðar sem gera það að verkum að forritið eflist til muna og öryggi notandans er bætt enn frekar.
Vegna þessara breytinga eru notendur Lykla-Péturs fyrir Linux með þessi póstforrit hvattir til að íhuga notkun þeirra viðbóta (e. plugins) sem fylgja útgáfu 4.3.0.
Til þess að uppfæra Lykla-Pétur þarf að smella á hnappinn 'Innskráning' neðst á hnappastikunni hér til vinstri.
Sláðu inn viðskiptanúmer þitt. Þá kemur upp síða með hlekkjum á þær útgáfur Lykla-Péturs sem þú hefur keypt. Smelltu á nafn forritsins sem þú vilt hlaða niður og veldu 'Save'. Vistaðu skrána á harða drifinu. Þegar skránni hefur verið hlaðið niður skaltu ræsa hana og Lykla-Pétur mun þá leiða þig í gegnum uppsetningarferlið.