FRISK Software International

F-PROT Antivirus fyrir snjallsíma

F-PROT Antivirus fyrir Mobile (á íslensku og ensku, eftir vali).

Friðrik Skúlason kynnir einfalda og örugga veiruvörn á íslensku fyrir farsíma og lófatölvur.

Af hverju að verja símann?

Farsíminn er orðinn eitt mikilvægasta tæki okkar í daglegu lífi. Við notum símann til þess að tala við fólk, senda skilaboð, taka myndir, jafnvel sem dagatal, minnisbók, klukku og margt fleira. Á sama tíma geymir síminn stöðugt meira af mikilvægum upplýsingum.

Frá því að fyrsti farsímavírusinn Cabir kom fram á sjónarsviðið árið 2004 hefur farsímatæknin þróast hratt og veirusmiðum hefur á sama tíma farið mikið fram. Nú er það svo að raunveruleg ógn stafar af veirum sem herja á farsíma og lófatölvur.

Hætturnar við að fá veirur í símann eru margvíslegar. Oftast eru þær aðeins til trafala, þær geta hægt á símanum, eytt rafhlöðum og jafnvel gert hann óvirkan. Einnig eru til dæmi þess að símaveirur hækki símreikninga m.a. með því að senda skilaboð úr símanum eða tengjast netinu. Verra er þó að mikilvægar persónuupplýsingar eru í símanum, upplýsingar sem slæmt getur veið að missa. Þetta á við um tölvupóst, geymd símanúmer og ljósmyndir. Ekki er gott að missa þessi gögn og það jafnvel í hendur óprúttinna aðila.